Шэсце запаліць агні
Агні на навагодніх ёлках у абласным цэнтры заззяюць падчас карнавальнага шэсця Дзядоў Марозаў і Снягурак, якое пройдзе ў Гродне 15 снежня.
Спачатку расквітнее рознакаляровымі агнямі навагодняя прыгажуня на Савецкай плошчы, а затым цырымонія запальвання елкі з удзелам мэра Мечыслава Гоя пройдзе на плошчы Леніна. Усё дзейства будзе нагадваць чароўную казку. Вось адзін з эпізодаў: агні на ёлках запаляць ад «касмічнага» святла, які нібыта даставяць ад сузор'я Сабакі.
Такі паварот у сцэнары свята не выпадковы. Сімвалам быць года будзе Сабака. Гэты факт вырашылі абыграць арганізатары карнавальнага шэсця. На гэты раз галоўны Дзед Мароз з'явіцца на сабачай упражцы. Ён адкрые дарогу для сотняў Дзядоў Марозаў і Снягурак, казачных персанажаў. Плануецца, што калонай пройдуць каля 400 чалавек. Упершыню ў шэсці возьмуць удзел пародзістыя сабакі-чэмпіёны абласнога кіналагічнага клуба «Сатурн», якія будуць апранутыя ў навагоднія касцюмы. Таксама ў калоне будуць роставыя лялькі.
Тэатральныя міні-прадстаўленні разгорнуцца на перасоўных платформах, якія разнастаяць калону. Музычнае суправаджэнне шэсця забяспечаць тры музычных аўтамабіля.
На карнавале чакаюцца тысячы гледачоў з ліку жыхароў горада і вобласці, госці з іншых рэгіёнаў краіны, а таксама замежныя турысты. У месцах святкавання будзе працаваць выязны гандаль. Плануюць нават частаваць глінтвейнам.
Падчас шэсця Дзядоў маразоў пройдзе дабрачынная акцыя "Дапаможам братам нашым меншым». Гараджане змогуць ахвяраваць на ўтрыманне бяздомных сабак корм і грашовыя сродкі.
Святочныя агні
Навагодняя ёлка на плошчы Леніна «падрасце» на адзін метр.
У горадзе ўжо пачалі ўстаноўку святочных дрэў. Навагодняя ёлка на плошчы Леніна «падрасце» на адзін метр і дасягне 31,5 метра. У мінулым годзе яна была трыццаціметровай. Усяго «Гарсвятло» ўсталюе па горадзе дзесяць елак. У адрозненне ад мінулага года не будзе святочнага дрэва па вуліцы Дзяржынскага. Там ідуць будаўнічыя працы, што робіць немагчымым мантаж навагодняга дрэва.
Прадпрыемства «Гарсвятло» прынялося за ўпрыгожванне горада святочнай ілюмінацыяй. Абяцаюць, што ў гэтым годзе на вуліцах горада будзе яшчэ ярчэй, больш будзе арыгінальных скульптур, якія будуць свяціцца. Да прыкладу, на плошчы Леніна з'явіцца трон Снежнай Каралевы, упрыгожаны сотнямі агнёў. Кожны жадаючы зможа сфатаграфавацца, седзячы на ім. Фігуркі сабак з палсветкай будуць упрыгожваць вуліцу Савецкую. У майстэрні «Гарсвятло» ўжо зроблена 12 такіх скульптур.
У парку імя Жылібера новымі фарбамі зазіхаціць вялікі фантан. Па перыметры ён будзе акружаны яркімі гірляндамі. Побач «вырасце» зіхатлівая кветка лотаса, якая заклікана стаць яшчэ адной папулярнай фотазонай. Арыгінальныя касцюмы з агеньчыкаў «надзенуць» самыя высокія дрэвы. Уваход у парк з боку вуліцы Ажэшкі аформяць падсвечанай аркай з надпісам «З Новым годам!».
Ілюмінацыя на кальцавых развязках прырасце вялікімі шарамі дыяметрам 700 міліметраў з падсветкай.
Чароўная ноч
У навагоднюю ноч на плошчы Леніна выступіць запрошаная зорка.
Навагодняя праграма стартуе ў 01.00 каля ёлкі на плошчы Леніна. Па традыцыі галоўныя завадатары тут - Дзед Мароз і Снягурка. Яны будуць ствараць святочны настрой, фатаграфавацца з адпачываючымі, удзельнічаць у канцэртнай праграме. Са сцэны гледачоў будуць радаваць эстрадныя артысты. Арганізатары плануюць здзівіць адпачывючых дог-шоу «Я і мой сабака».
У 02.00 неба над плошчай размалюе святочны феерверк. Светлавое шоў працягнецца запускам у неба дыёдных шароў, падчас якога кожны зможа загадаць самае патаемнае жаданне. Жадаючые прыняць непасрэдны ўдзел у яркай акцыі змогуць купіць шары, якія будуць свяціцца, прама на плошчы.
З 02.10 да 03.00 пройдзе дыскатэка, за пультам будуць лепшыя дыджэі горада. А ў 03.00 на сцэне выступіць запрошаная зорка. Арганізатары яшчэ разважаюць над тым, каго з беларускіх эстрадных артыстаў запрасіць. Прынамсі, плануецца гадзінны канцэрт.
На наступны дзень свята на плошчы Леніна працягнецца ў 15.00. Праграму рыхтуе Ленінскі раён. Таксама ленінцы рыхтуюць забаўляльную праграму ў мікрараёне Дзевятоўка. У Кастрычніцкім раёне таксама плануюцца дзве святочныя пляцоўкі.
Смачны Новы год
Навагоднія кірмашы разгорнуцца ў раёне гандлёвага цэнтра OldCity.
Гандлёвыя рады размесцяцца на пляцоўцы, дзе раней была ледзяная горка. Гандлёвы цэнтр распрацаваў для кірмашу стылізаваныя працоўныя месцы ў выглядзе хатак. Ужо гатовыя іх макеты, яны знаходзяцца на ўзгадненні.
Прадпрыемствы гандлю маюць намер працаваць ва ўсе перадсвяточныя і святочныя дні, саграваць адпачываючых гарачымі напоямі, частаваць блінамі, дранікамі і іншымі нацыянальнымі стравамі. Акрамя таго, яны актыўна ўключаюцца ў стварэнне святочнай атмасферы горада. Вітрыны крам плануецца ўпрыгожыць ў навагодняй тэматыцы да 1 снежня. Акрамя таго, у найбуйнейшых гандлёвых цэнтрах будуць устаноўлены ёлкі.
Адпачынак павінен быць актыўным
Каля сарака пяці пляцовак для заняткаў зімовымі відамі спорту і зімовых забаў будзе працаваць у абласным цэнтры.
У першую чаргу ўсё з нецярпеннем чакаюць адкрыцця каткоў. Арганізатары гатовыя абсталяваць ледзяныя пляцоўкі, але шмат што будзе залежаць ад надвор'я. Для добрага ільда патрэбен васьміградусны мароз на працягу некалькіх дзён. Тым не менш, кожны год усе жадаючыя ўдосталь катаюцца на каньках. Каткі будуць заліты ў лядовых скрынках і на іншых прыстасаваных участках у асноўным каля спартыўных аб'ектаў і ўстаноў адукацыі.
Святочны маршрут
Па цэнтральных вуліцах горада будзе курсіраваць Rolls-Royce з Дзедам Марозам за рулём.
Святочны аўтамабіль запросіць ў якасці пасажыраў дзетак, іх бацькоў і іншых людзей, якія вераць у казку і навагоднія цуды. Пасажыры Дзеда Мароза атрымаюць салодкія падарункі. Святочны маршрут арганізуе парк атракцыёнаў.
На час навагодніх святаў атракцыёны будуць працаваць не толькі ў парку імя Жылібера, але і на плошчы Леніна. Тут каля знака «нулявы кіламетр» будуць курсіраваць паравозік і электрамабілі. Любы жадаючы зможа пагуляць у аэрохоккей. Вясёлую гульнявую пляцоўку з фотазонай і атракцыёнамі арганізуе таксама Гродзенскі заапарк.
Многія задумкі па святкаванні Новага года арганізатары пакуль трымаюць у сакрэце.
Па матэрыялах газеты "Гродзенская праўда"