Да заключных мерапрыемстваў фестывалю нацыянальных культур застаецца менш за два тыдні. Нагадаем, ён пройдзе з 1 па 2 чэрвеня. Гродна штодня рыхтуецца да самага маштабнага свята. Ужо ў гэтыя выхадныя, з 26 мая, новы прычал на правым беразе Нёмана пачне прымаць першыя маламерныя суда. Так званае воднае таксі дазволіць ацаніць і атрымаць асалоду ад відаў нашага абласнога цэнтра з іншага ракурсу. Аказваць такія паслугі будуць індывідуальныя прадпрымальнікі. Кошт воднай прагулкі будзе залежаць ад часу праведзенага ў дарозе. Першыя пасажыры змогуць пратэстыраваць новы транспарт ўжо ў гэтую суботу. А вось тыя, хто вырашаць скарыстацца водным таксі падчас фестывалю, з дапамогай бясплатнага wi-fi змогуць тут жа падзяліцца сваімі ўражаннямі і фотаздымкамі ў сацыяльных сетках.
Андрэй Болтрик, намеснік старшыні Гродзенскага гарадскога выканаўчага камітэта:
- Для зручнасці жыхароў і гасцей нашага горада да 1 чэрвеня мы плануем на працягу ўсёй вуліцы Савецкай зрабіць бясплатны wi-fi. Упэўнены, гэтая паслуга будзе запатрабаваная і даступная кожнаму жыхару і госцю, які прыедзе ў горад Гродна.
Па матэрыялах ТВРК «Гродна Плюс».