Знаёмяцца з культурай і мовай Паднябеснай у асноўным на факультатыўных занятках сёння тут каля двухсот вучняў. А пачыналася ўсё ў 2014 годзе ўсяго з некалькіх дзясяткаў зацікаўленых школьнікаў.
– Першымі педагогамі тады сталі Андрэй Гапонік і грамадзянін КНР Шэнь Пэн. Працягнула пачатае спецыяліст па міжнародных сувязях аддзела міжнароднага супрацоўніцтва ГрДУ імя Янкі Купалы Алена Бабко і пад яе кіраўніцтвам былі заваяваны першыя прызавыя месцы ў алімпиядным руху, – распавёў дырэктар школы Сяргей Кісялёў. – Сёння эстафету падхапілі маладыя і перспектыўныя настаўнікі кітайскага мовы: Вадзім Хаміца і выпускніца нашай школы Валерыя Літвін.
У тэматычным кабінеце кітайскай мовы і культуры будуць праходзіць факультатыўныя заняткі і ўрокі кітайскага – з гэтага года як першы замежны ён з'явіўся ў раскладзе пятнаццаці трэцякласнікаў сярэдняй школы №38. І пагружэнне ў культуру для кожнага з дзяцей ў літаральным сэнсе будзе пачынацца з парога новага кабінета: сцены ўпрыгожвае звілістая ляпніна галоўнага сімвала Паднябеснай – «кітайская сцяна», а суседнічаюць з пейзажным пано бамбукавыя сцеблы.
Павіншавалі школьнікаў з адкрыццём кабінета кітайскай мовы і культуры, начальнік аддзела адукацыі Гродзенскага гарвыканкама Андрэй Семанчык, намеснік дырэктара Рэспубліканскага інстытута кітаязнаўства імя Канфуцыя БДУ Сун Яньвэй, прарэктар па вучэбнай працы ГрДУ імя Янкі Купалы Юрый Бялых.
– Супрацоўніцтва двух народаў у адукацыйнай сферы развіваецца не першы год. Сем нашых студэнтаў вучацца ў розных вну Пекіна і яшчэ двое паедуць ва універсітэт правінцыі Ганьсу. Развіваем партнёрскія адносіны з яшчэ адной навучальнай установай – паўночна-заходнім педагагічным універсітэтам Кітая, дзе двое нашых педагогаў выкладаюць рускую мову і жывапіс, – адзначыў Юрый Белых.– Мы дастаткова добра знаёмыя з Кітаем і маем шырокія планы па далейшаму развіццю супрацоўніцтва. Упершыню ў гэтым годзе ў нашым вну, напрыклад, адкрылі набор на дзённую форму навучання па спецыяльнасці «Лінгвістычнае забеспячэнне міжкультурных камунікацый (знешнеэканамічныя сувязі)» з першай кітайскім і другой англійскай мовамі і не выключаем магчымасці ў далейшым пачаць падрыхтоўку настаўнікаў па кітайскай мове для сярэдняй школы.
Яшчэ адзін прыклад супрацоўніцтва дзвюх краін у адукацыйнай сферы – дагаворныя адносіны. Аддзел адукацыі Гродзенскага гарвыканкама у гэтым годзе заключыў пагадненне аб супрацоўніцтве з калегамі з кітайскага горада Луннань, якое прадугледжвае абмен кадрамі, напрацоўкамі, сумесную працу па навучанні дзяцей.
– Прыемна, што ў школе такая ўвага надаецца вывучэнню кітайскай мовы. І вельмі важна, што ў вучняў ужо ёсць поспехі, – дадала Сун Яньвэй. – Штогод пасольства КНР у Беларусі заахвочвае навучэнцаў, якія праявілі высокую матывацыю да вывучэння кітайскай мовы. Сярод узнагароджаных у гэтым годзе – дзесяцікласніца школы № 38 Юлія Клімовіч.
На Гродзеншчыне ў гэтым годзе спасцігаюць асновы кітайскай мовы больш за шэсцьсот школьнікаў. І гэта ўдвая больш, чым год таму. У асноўным з усімі прамудрасцямі іерагліфічнага пісьма дзеці знаёмяцца на факультатывах, а таксама ў рамках заняткаў па інтарэсах і платных адукацыйных паслуг.
– Упершыню з гэтага года кітайскую мову як прадмет з'явіўся ў раскладзе трэцякласнікаў двух гродзенскіх школ – №38 на Вішняўцы і №39 у мікрараёне Альшанка, – распавяла начальнік аддзела агульнай сярэдняй і дашкольнай адукацыі галоўнага ўпраўлення адукацыі аблвыканкама Святлана Кавалеўская.
Усяго ж вывучэнні кітайскага ў новым навучальным годзе надаюць увагу ў трынаццаці школах і гімназіях вобласці, і практычна ўсе яны ў Гродна. «Пачаткоўцамі» сярод іх сталі сярэднія школы №26 і №28 абласнога цэнтра. Першым райцэнтрам, дзе пачалі вывучаць кітайскі, у мінулым годзе стала Воранава, а з другой чвэрці, хутчэй за ўсё, да яго дадасца і Ваўкавыск.
– Цікавасць да вывучэння мовы ёсць у ваўкавыскай гімназіі №2, і выкладаць кітайскі тут будзе настаўнік-валанцёр з Кітая, – дадала Святлана Кавалеўская.
Па матэрыялах «Гродзенская праўда»