Тут прайшоў семінар-нарада старшыняў і сакратароў абласных выбарчых камісій, а таксама кіраўнікоў па ідэалагічнай працы. У рэгіёне сфарміравана 13 акруговых выбарчых камісій і адна абласная. Пасля другога верасня прэтэндэнты на месцы ў парламент маглі падаваць заявы на рэгістрацыю ініцыятыўных груп па зборы подпісаў за кандыдатаў. Семінар у Гродне супаў з апошнім днём, калі асобы, якія плануюць вылучацца кандыдатамі ў дэпутаты, могуць падаваць дакументы.
АЛЕНА ДМУХАЙЛА, САКРАТАР ЦЭНТРАЛЬНАЙ КАМІСІІ РЭСПУБЛІКІ БЕЛАРУСЬ ПА ВЫБАРАХ І ПРАВЯДЗЕННІ РЭСПУБЛІКАНСКІХ РЭФЕРЭНДУМАЎ:
- Калі казаць пра дадзеныя на ўчорашні дзень, было зарэгістравана 325 ініцыятыўных груп усяго па краіне, 27 менавіта ў Гродзенскай вобласці. Вядома, не ўсе паступілі заявы разгледжаны, зноў жа, па дадзеных на ўчорашні дзень, такіх заяў было 404.
Калі казаць аб мінулых выбарах у Палату прадстаўнікоў Нацыянальнага сходу Рэспублікі Беларусь, то тады было зарэгістравана 426 ініцыятыўных груп. Але параўноўваць нейкія звесткі і лічбы можна будзе толькі пасля таго, як скончыцца перыяд разгляду заяў. Да 15 верасня будуць цалкам сфармаваныя ўчасткі для галасавання і ў рэгіёне працы ў дадзеным кірунку надаюць вялікую ўвагу.
АЛЕНА ДМУХАЙЛА, САКРАТАР ЦЭНТРАЛЬНАЙ КАМІСІІ РЭСПУБЛІКІ БЕЛАРУСЬ ПА ВЫБАРАХ І ПРАВЯДЗЕННІ РЭСПУБЛІКАНСКІХ РЭФЕРЭНДУМАЎ:
- Я ведаю, у Гродзенскай вобласці многія выканкамы ўжо прынялі рашэнне аб утварэнні участкаў для галасавання. Калі скончыцца перыяд вылучэння кандыдатаў, якія могуць ажыццяўляцца не толькі шляхам збору подпісаў, але і працоўнымі калектывамі, палітычнымі партыямі, гэта адбудзецца 8 кастрычніка, пачнецца перыяд рэгістрацыі кандыдатаў.