Гродзенцы рыхтуюцца адсвяткаваць дзень горада 19 верасня, але ў гэтым годзе як раней масавых гулянняў не плануецца. Аднак пакінуць горад без падарунка не змаглі. Напярэдадні свята ў Гродне ўсталююць манументальную скульптуру заступніка нашага горада - Святога Губерта.
Па задумцы скульптура мае невялікі памер - 85 сантыметраў, а вось пастамент у выглядзе калоны, на якой яна будзе ўстаноўлена - даўжынёй у 2 метры 20 сантыметраў, у аснове працы бронза і граніт.
Вонкава фігура цалкам адпавядае духу даўніны і арыстакратычнасці каралеўскага Гродна. Ужо цяпер на будучым месцы, дзе ўсталююць Святога Губерта, падрыхтавана пляцоўка, якая паслужыць падмуркам для скульптуры. Месца размяшчэння абрана даўно, ім стане вуліца Савецкая. Скульптуру ўсталююць побач з будынкам Гродзенскага абласнога аб'яднання прафсаюзаў. Святой Губерт заменіць турыста, які знаходзіўся тут раней. З сакавіка, калі зарадзілася ідэя стварэння скульптуры, над яе рэалізацыяй працаваў гродзенскі скульптар Уладзімір Панцялееў.
Уладзімір Панцялееў, скульптар:
- Я ўвогуле-то сам сабе скажу з такім задавальненнем за гэтую працу ўзяўся, таму што яна пачыналася яшчэ ў сакавіку-месяцы. І нават планавалі яе да Фестывалю нацыянальных культур, але з-за коронавируса перанеслі ўсё, але, а тут, напэўна, вельмі прыдатны выпадак, заступнік горада і гэта дарэчы, увогуле-то, на дзень горада гэтую працу адкрываць.
Скульптуру Святога Губерта плануюць устанавіць яшчэ да самога свята - 17 верасня. Дарэчы, Уладзімір Панцялееў цяпер працуе над яшчэ адным падарункам для горада, але пакуль трымае яго ў сакрэце. Сюрпрыз для гарадзенцаў ён прадставіць на наступным Фестывалі нацыянальных культур.
Па матэрыялах «Гродна Плюс»