Конкурс традыцыйна праводзіць Гродзенская гарадская арганізацыя Беларускага саюза жанчын. Пяты раз ён збярэ самых таленавітых салістаў абласнога цэнтра, якія выканаюць лірычныя кампазіцыі пра каханне да Радзімы і самаму галоўнаму ў свеце чалавеку – маці.
Але гэта на заключным гала-канцэрце, які звычайна праходзіць восенню. А пакуль арганізатары чакаюць аўдыё-, відэазапісы выступленняў па электроннай пошце dgp-1@mail.grodno.by. Таксама электронныя носьбіты можна прыносіць па адрасе: горад Гродна, вуліца Даватара, 23 (дзіцячая паліклініка №1, прыёмная). Тут жа неабходна пакінуць заяўку на ўдзел у конкурсе. Іх прыём працягнецца да 25 верасня.
Старшыня Гродзенскай гарадской арганізацыі БСЖ, загадчыца дзіцячай паліклінікай №1 Ірына Луканская запрашае да ўдзелу работнікаў арганізацый і прадпрыемстваў горада, студэнтаў, навучэнцаў, школьнікаў і ўсіх тых, хто захапляецца спевамі і жадае прызнацца ў любові да Радзімы і маці з вялікай сцэны.
Па матэрыялах "Гродзенская праўда"