Паважаныя гродзенцы! Дарагія ветэраны вайны і працы!
Віншуем вас з галоўным дзяржаўным святам - Днём Незалежнасці Рэспублікі Беларусь!
3 ліпеня - найважнейшая дата ў гісторыі станаўлення беларускай дзяржавы, сімвал адзінства нашага народа, міру і стабільнасці, мужнасці і гераізму продкаў, пераемнасці пакаленняў і павагі гістарычнага мінулага.
Вялікі подзвіг старэйшага пакалення беларусаў сёння надзейна падмацоўваецца воляй сучаснікаў, якія выбралі ў якасці галоўнага прыярытэту развіцця незалежнасці краіны – мірную і стваральную працу!
Шмат у чым, дзякуючы вашай працы і актыўнай грамадзянскай пазіцыі, дарагія гродзенцы, Рэспубліка Беларусь набыла статус моцнай, справядлівай і незалежнай дзяржавы!
Дзень Незалежнасці Рэспублікі Беларусь па-сапраўднаму аб'ядноўвае, напаўняючы сэрцы гонарам за сваю краіну! У гэты светлы і радасны дзень жадаем усім моцнага здароўя, вялікага шчасця, невычэрпнай энергіі, дабрабыту, а маладому пакаленню - памятаць пра цану Перамогі і незалежнасць нашай Радзімы! Няхай кожны дзень вашага жыцця будзе напоўнены радасцю, цяплом, поспехамі і новымі дасягненнямі! І няхай над нашай роднай Беларуссю заўсёды будзе мірнае неба, спакой у сэрцах людзей і дабрабыт у дамах.
Са святам, дарагія сябры!