У Гродне ідзе будаўніцтва пяці вялікіх гандлёвых аб'ектаў. Першы па велічыні размесціцца ў Грандзічах, яго ўзвядзеннем займаецца прадпрыемства «РемБудІнвест».
Мікрараён яшчэ зусім новы, таму паралельна з узвядзеннем жылога фонду там паступова з'яўляецца інфраструктура. Рэалізуюцца праекты школы і дзіцячага сада, мінулай зімой была адкрыта дзіцячая амбулаторыя. Разам з гэтым, забудоўшчыкі мяркуюць і адкрыццё невялікіх магазінаў: для гэтага спецыяльна адводзяцца першыя паверхі ў некаторых жылых дамах. Новы аб'ект узводзяць у гэтыя дні і ў мікрараёне Вішнявец, яго гандлёвая плошча будзе разлічана на 1200 квадратаў. У Пагаранах-Кашэўніках і Забалаці таксама могуць з'явіцца крамы з гандлёвай плошчай амаль у 300 квадратаў - гэтыя праекты пакуль праходзяць экспертызу, як і праект новага аб'екта на Альшанцы памерам у 500 квадратных метраў. Усяго ў Гродне працуе каля 4500 гандлёвых кропак, сярод якіх 4 рынкі, 8 міні-рынкаў і 14 гандлёвых цэнтраў.
Па матэрыялах «Гродна Плюс»