Эканамісты з шасці краін прадставяць свае даследаванні на міжнароднай навукова-практычнай канферэнцыі "Праблемы сучаснай эканомікі: глабальны, нацыянальны і рэгіянальны кантэкст" 26-27 траўня ў Гродне.
У дні канферэнцыі факультэт эканомікі і кіравання ВНУ стане месцам сустрэчы навукоўцаў-эканамістаў, прадстаўнікоў бізнес-супольнасцяў і органаў улады. Сярод удзельнікаў форуму дэлегаты з Беларусі, Расіі, Польшчы, Літвы, Украіны і Казахстана - вядучыя спецыялісты ў галіне глабальнага, нацыянальнага і рэгіянальнага развіцця эканомікі і бізнесу, навукоўцы з ВНУ - партнёраў па навуковых даследаванняў і праграмам акадэмічнай мабільнасці гродзенскага ўніверсітэта.
Галоўнымі тэмамі форуму будуць перспектывы развіцця беларускай эканомікі ва ўмовах глабалізацыі і рэгіяналізацыі, сучасныя праблемы інвестыцыйнай і інавацыйнай дзейнасці рэгіёнаў і прадпрыемстваў, манетарныя і сацыяльныя праблемы нацыянальнай і рэгіянальнай эканомікі.
"Удзельнікі прадставяць вынікі арыгінальных навуковых даследаванняў аб магчымых шляхах развіцця нацыянальных і рэгіянальных эканомік, а таксама падчас круглых сталоў агучаць канкрэтныя прапановы для прадпрыемстваў і арганізацый", - растлумачылі арганізатары форуму. Серыя выступленняў будзе прысвечана таксама ўдасканаленні фінансава-крэдытнага механізму, бухуліку і аналізу.
Падчас канферэнцыі прадстаўнікі ВНУ, кіраўнікі прадпрыемстваў і арганізацый, органаў мясцовай улады, бізнес-саюзаў абмяркуюць і праблемы падрыхтоўкі спецыялістаў эканамічнага профілю ў Беларусі і за мяжой, адбудзецца абмен вопытам па ўкараненні інавацыйных адукацыйных тэхналогій.
Факультэт эканомікі і кіравання Гродзенскага дзяржуніверсітэта імя Янкі Купалы арганізуе гэты навукова-практычны эканамічны форум пяты раз.
БелТА