Будаўніцтва

У Гродна каля 70 будаўніча-мантажных і рамонтных арганізацый. У галіне працуе звыш 11,0 тыс. чалавек. Буйнымі будаўнічымі арганізацыямі з'яўляюцца: ААТ "Гроднажылбуд", ААТ "Гроднапромбуд", ГОППСУП "Гроднааблсельбуд", ДСТ № 6 і шэраг іншых дарожна-будаўнічых арганізацый.

Праектаванне ажыццяўляюць праектнае УПП "Інстытут "Гроднагражданпраект", абласное праектна-пашуковае УП "Гроднажылбуд", ДП "Гроднасельбудпраект", Гродзенскае праектна-вытворчае УП "Гроднагіппрабуд", ААТ "Гродзенскі навукова- даследчы і праектны інстытут азотнай прамысловасці", філіялы і фірмы.

Пад кантролем Гродзенскага гарадскога выканаўчага камітэта знаходзяцца пытанні жыллёвага будаўніцтва, капітальнага і бягучага рамонту жыллёвага фонду.

Ажыццяўляецца рэканструкцыя і цеплавая рэабілітацыя жылых шматпавярховых будынкаў з мадэрнізацыяй фасадаў і кровель. Рэканструкцыя жылых дамоў № 3, 5, 7 па вул. Каліноўскага - прыклад творчага падыходу супрацоўнікаў інстытута "Гроднажылпраект" да рэканструкцыі будынкаў.

Сярод аб'ектаў новага будаўніцтва вылучаюцца сваёй архітэктурай:
- будынак адміністрацыі свабоднай эканамічнай зоны "Гроднаінвест";
- адміністрацыйны будынак ААТ "Белгазпрамбанк" па вул. Горкага;
- універсам "Купалаўскі" па праспекце Я. Купалы;
- адміністрацыйна-прамысловы будынак СООО "Контэ Спа" па вул. Перамогі.

Сёлета будаўніцтва шматпавярховых жылых дамоў сканцэнтравана ў двух новых раёнах горада: Дзевятоўка і Вішнявец. Працягваецца забудова мікрараёнаў "Дзевятоўка-4, 5", "Вішнявец-3,4,5". Пачата засваенне тэрыторый пад забудову мікрараёнаў "Дзевятоўка-6,7" і "Вішнявец-6,7".

Жылыя хаты ўводзяцца ў эксплуатацыю разам з уладкаванай дваровай тэрыторыяй. У новых раёнах з'явіліся і новыя вуліцы - гэта падаўжэнне вуліц Таўлая і Белыя Росы ў Дзевятоўцы, вуліца Вішнявецкая і Паўднёвая ў Вішняўцы. Уведзены ў эксплуатацыю два дзіцячых садкі, вядзецца будаўніцтва школы ў мікрараёне "Вішневец-5", пачата будаўніцтва трох буйных гандлёвых цэнтраў.

Працягвае фарміравацца жылы раён на тэрыторыі былой КЭЧ паміж вул. Пушкіна і вул. Дзяржынскага (забудоўшчык - ААТ "Гроднажылбуд"). Нароўні з жылой шматпавярховай забудовай пабудаваны гандлёва-сэрвісны цэнтр "На Пушкіна" і ўніверсам "АЛМІ".

Пачата забудова мікрараёна па вул. Каліноўскага - Вясновай і жылога квартала па завулку Паповіча. Здадзены ў эксплуатацыю першыя жылыя дамы.

Працягваюцца работы па рэканструкцыі, рамонту і ўзнаўленні аб'ектаў на тэрыторыі гістарычнага цэнтра.

Адкрыўся гандлёва-грамадскі цэнтр "АВС" ва ўзноўленай пасля рэканструкцыі частцы будынка па вул. Савецкай з прыбудовай. На тэрыторыі, якая прылягае да гандлёвага цэнтра, з'явілася новая пешаходная вуліца Найдуса.

Версія для друку