Уважаемый посетитель!

 

Вы наведалі афіцыйны інтэрнэт-партал Гродзенскага гарадскога выканаўчага камітэта.

«Жамчужына Прынёманскага краю», «горад замкаў», «каралеўскі горад», «горад на скрыжаванні дарог» - усе гэтыя словы, сказаныя ў адрас Гродна - аднаго з найпрыгажэйшых гарадоў Беларусі.

За ўвесь час свайго існавання горад прывабліваў гасцей сваёй унікальнай культурна-гістарычнай спадчынай, высокаразвітай шматгаліннай прамысловасцю, навукова-сацыяльным патэнцыялам і многім іншым. Ён нікога не пакідае абыякавым, таму што кожны, хто прыехаў аднойчы да нас у госці, улюбляецца ў Гродна назаўжды - ва ўтульныя вулачкі, ветлівых жыхароў, гасцінныя кафэ, рэстаранчыкі і старадаўнія замкі.

Сёння горад над Нёманам - гэта сучасны еўрапейскі горад, буйны адміністрацыйны, прамысловы, навуковы і культурны цэнтр рэспублікі, які прапануе вялікія эканамічныя магчымасці ў рэалізацыі інавацыйных праектаў, тэхналогій і самых смелых праграм.

Спрыяльны бізнэс-клімат, створаны кіраўніцтвам Рэспублікі Беларусь і вобласці, дапамагае развіццю прадпрымальніцтва, выгаднаму ўкладанню інвестыцый і магчымасці ўвасобіць у рэальнасць самыя смелыя планы. Адзін з найважнейшых фактараў для інвеставання праектаў - гэта выгаднае эканоміка-геаграфічнае і геапалітычнае становішча.

Наш горад размешчаны на скрыжаванні шляхоў, якія злучаюць Захад і Ўсход. Блізкасць пагранічных пераходаў у краіны Еўрасаюза, наяўнасць зручных транспартных шляхоў, якія дазваляюць забяспечыць інтэнсіўнае перамяшчэнне грузавых і пасажырскіх патокаў у розных напрамках, даюць гораду перавагу перад іншымі рэгіёнамі Беларусі ў развіцці любых напрамкаў дзейнасці.

Гарадскі выканаўчы камітэт надае вялікую ўвагу рэалізацыі інавацыйных праектаў і тэхналогій, умацаванню дзелавых партнёрскіх сувязяў, усяляк спрыяе дынамічнаму развіццю прамысловасці і бізнесу, асваенню экалагічна чыстых тэхналогій у сучасных вытворчасцях, актыўна стварае перадумовы для эканамічнай і культурнай інтэграцыі ў сусветную супольнасць.

Горад Гродна адкрыты да супрацоўніцтва, развіцця і ўмацавання міжрэгіянальных і міжнародных партнёрскіх сувязяў, эканамічных і сацыяльна-культурных абменаў.

Цёпла і сардэчна запрашаем вас у Гродна!

Старшыня Гродзенскага гарадскога выканаўчага камітэта М.Б. Гой

Версія для друку