Культурна-асветныя

Дзяржаўная ўстанова “Гродзенскі гарадскі цэнтр культуры”

Дырэктар – Сацюк Уладзімір Мікалаевіч.
Намеснік дырэктара - Палчанкова Святлана Паўлаўна.

Кантактныя тэлефоны: 68-20-20, 68-25-73, 68-38-20.
Паштовы адрас: 230024, г. Гродна, вул. Паповіча, 50.
Электронны адрас: ck.grodno@gmail.com

Гродзенскі гарадскі цэнтр культуры выконвае функцыі: інфармацыйную, асветніцкую, адукацыйную, выхаваўчую, забаўляльную і інш.

Гродзенскі гарадскі цэнтр культуры прадстаўлены наступнымі філіяламі:
- філіял № 1 “Канцэртная зала” (вул. Дзяржынскага, 1);
- філіял № 2 “Цэнтр спадчыны” (ул. Рэйманта, 12);
- філіял № 3 “Палац культуры” (пл. Савецкая, 6).

Ва ўстанове працуе 51 клубнае фарміраванне з агульнай колькасцю ўдзельнікаў каля 1200 чалавек. З іх 10 калектываў для дзяцей. З ганаровым званнем “народны» – 18, “узорны» – 2, “заслужаны аматарскі калектыў Рэспублікі Беларусь” – 2, аматарскіх аб’яднанняў – 14.

Праца Гродзенскага гарадскога цэнтра культуры накіравана на пазіцыянаванне станоўчага іміджу Гродзенскага рэгіёна ў сферы культуры і мастацтва, а таксама прапаганду лепшых узораў айчыннай і сусветнай культуры.

Больш падрабязную інфармацыю пра ўстанову можна знайсці на сайце: http://ckg.by.

Дзяржаўная ўстанова культуры «Цэнтралізаваная бібліятэчная сістэма г. Гродна»

Дырэктар - Камарова Марына Аляксандраўна.
Намеснік дырэктара - Свірыда Наталля Рыгораўна.
Рэжым работы: з 08.00 да 17.00 гадзіна.
Выхадныя дні: субота, нядзеля
Кантактныя тэлефоны: 69-68-96, 69-70-35, 68-40-63.
Адрас: 230011, г.Гродна, вул. Савецкіх пагранічнікаў, 51/2.

E-mail: Adm._gor_bibl_grodno@rambler.ru.

Дзяржаўная ўстанова культуры «Цэнтралізаваная бібліятэчная сістэма г. Гродна» з’яўляецца структурай, якая складаецца з 12 бібліятэк-філіялаў, якую ўзначальвае Гродзенская гарадская цэнтральная бібліятэка імя А. Макаёнка. Сярод іх4 дзіцячыя філіялы, 6 філіялаў для дарослага чытача і 2 спецыяльныя бібліятэкі (для інвалідаў па зроку і польскай літаратуры).Жыхароў новых мікрараёнаў абслугоўваюць 3 бібліятэчныя пункты ў мікрараёнах «Фолюш», «Дзевятоўка», «Альшанка».

Каля 50 000 гараджан з’яўляюцца карыстальнікамі бібліятэк цэнтралізаванай бібліятэчнай сістэмы г. Гродна. Ім штогод выдаецца больш за 1 000 000 дакументаў. Дзейнасць бібліятэк распаўсюджваецца на ўсе групы карыстальнікаў. У цэнтры павышанай увагі бібліятэк дзеці і дарослыя з абмежаванымі фізічнымі магчымасцямі, пенсіянеры, ветэраны Вялікай Айчыннай вайны, моладзь. Таму камплектаванне фондаў, арганізацыя абслугоўвання, распрацоўка сацыяльна арыентаваных планаў масава-інфармацыйнай работы вядуцца з улікам інтарэсаў гэтых катэгорый карыстальнікаў.

Інфармацыйны рэсурс бібліятэчнай сістэмы – больш за 500 000 экзэмпляраў кніг, перыядычных выданняў, дакументаў на электронных носьбітах.

Для карыстальнікаў бібліятэк распрацаваны планы масава-інфармацыйнай дзейнасці сумесна з установамі, грамадскімі арганізацыямі, творчымі саюзамі горада:«Будзем разам» –па арганізацыі партнёрства ў абслугоўванні асоб пажылога ўзросту з Цэнтрамі сацыяльнага абслугоўвання насельніцтва Кастрычніцкага і Ленінскага раёнаў г. Гродна, «Нацыянальная мазаіка» – па рабоце з нацыянальна-культурнымі грамадскімі аб’яднаннямі палякаў,татар, яўрэяў,«Мы і асаблівыя дзеці» – па рабоце з дзецьмі-інвалідаміспецыяльных устаноў адукацыі,«Бібліятэка – тэрыторыя здароўя» – па прафілактыцы алкагалізму, наркаманіі, курэння, ВІЧ/СНІД з Гродзенскім занальным цэнтрам гігіены і эпідэміялогіі і Гродзенскай цэнтральнай гарадской паліклінікай і інш.

Штогод праводзіцца больш за 1 000 мерапрыемстваў, арганізоўваецца больш за 300 выстаў, якія раскрываюць перад жыхарамі горада змест бібліятэчных фондаў, інфармуюць іх пра значныя падзеі грамадскага жыцця, юбілейныя даты, што садзейнічае адраджэнню і захаванню нацыянальнай культуры, гісторыка-культурнай спадчыны, фарміраванню здаровага ладу жыцця. У сістэме працуюць 19 клубаў па інтарэсах (7 – для дзяцей, 12 – для дарослых), у якіх праводзіцца больш за 150 мерапрыемстваў штогод.Пры бібліятэцы-філіяле №9дзейнічае цэнтр сацыяльна-культурнай адаптацыі ветэранаў працы «Адухатварэнне».

Усе бібліятэкі цэнтралізаванай бібліятэчнай сістэмы г. Гродна камп’ютарызаваны, маюць падключэнне да сеткі Інтэрнэт.У Гродзенскай цэнтральнай гарадской бібліятэцы імя А. Макаёнка абслугоўванне чытачоў вядзецца ў аўтаматызаваным рэжыме, дзейнічае электронны каталог.

Пры бібліятэках сістэмы для дарослага чытача створаны публічныя цэнтры прававой інфармацыі, дзе наведвальнікімаюць магчымасць атрымаць доступ да любога прававога акта Рэспублікі Беларусь з дапамогай ІПС «Эталон» Нацыянальнага цэнтра прававой інфармацыі, скарыстацца паслугай бясплатнага штомесячнага юрыдычнага кансультавання юрыстамі-практыкамі ў Гродзенскай цэнтральнай гарадской бібліятэцы імя А. Макаёнка.

Бібліятэкі займаюцца выдавецкай дзейнасцю, штогод выдаецца больш за 100 бібліяграфічных, сцэнарна-метадычных і рэкламных дакументаў. Штоквартальна выходзіць рэкламна-інфармацыйны бюлетэнь аб сацыяльнай масава-інфармацыйнай дзейнасці бібліятэк сістэмы «Бібліятэчны калейдаскоп», выдаюцца бібліяграфічныя спісы літаратуры краязнаўчай серыі «Асобы і падзеі Гродна» і інш.

ДУК «Цэнтралізаваная бібліятэчная сістэма г. Гродна» мае свой сайт, дзе, акрамя стужкі навін і анонсаў мерапрыемстваў, публікуюцца штоквартальныя бюлетэні новых паступленняў дакументаў, спісы выпісываемых для насельніцтва перыядычных выданняў, пералік паслуг, якія аказваюцца бібліятэкамі, размяшчаюцца выдавецкія працы, рэкламныя відэаролікі і буктрэйлеры. Створаны віртуальныя музеі аб жыцці і творчасці вядомых дзеячаў культуры, мастацтва, літаратуры і электроннаякраязнаўчая бібліятэка «Гродна – інфармацыя для ўсіх».

Больш падрабязную інфармацыю праДУК «Цэнтралізаваная бібліятэчная г. Гродна» вы зможаце знайсці на сайце: http://centrbibl.grodno.by, http://centrlib.grodno.by.